Badoa pixkanaka aurrera Gipuzkoako Euskal Pilota Federazioaren (GEPF) hauteskunde prozesua. 

Atzo (2025-03-17), Hauteskunde Batzordeko kideak bildu, eta Hauteskunde Egutegiari zein Batzar Orokorraren osaerari alegaziorik izan ez denez, ondorengo akordioak hartu zituzten:

1. GEPFren Batzar Orokorraren osaera behin betiko onartzea
2. GEPFko Zuzendaritza Batzorderako Hauteskunde Egutegia behin betiko onartzea
3. Zuzendaritza Batzorderako hautagaitzak aurkezteko epea zabaltzea. Epe hori 2025eko martxoaren 25ean amaituko da

Hauteskunde prozesuari buruzko informazio guztia webgune honetako Dokumentazioa-Hauteskundeak atalean kontsulta daiteke. Eta, aurrez aurre, federazioaren bulegoan (Kirol Etxea. Donostia).